Kannanir - Mannauður - HRM rannsóknir og ráðgjöf

Samskip eru alþjóðlegt flutningafyrirtæki sem býður viðskiptavinum sínum heildarlausnir í flutningum og tengdri þjónustu í lofti, láði og á legi.

Við höfum fengið HRM rannsóknir og ráðgjöf, til liðs við okkur á námskeiðum sem haldin eru fyrir nýja starfsmenn. Þar höfum við brotið upp dagskrána með þessum kröftuga og skemmtilega leik þeirra, Heitur klukkutími, sem hefur fengið góða dóma hjá starfsmönnum. Í leiknum eru starfsmenn vaktir til umhugsunar um mikilvægi slagorðs Samskipa SAMAN NÁUM VIÐ ÁRANGRI og gildi fyrirtækisins ÞEKKING – FRUMKVÆÐI - SAMHELDNI eru samofin í leikinn. Einnig fá þátttakendur mjög skýra sýn á mikilvægi liðsheildarhugsunar, þess að setja sér markmið í starfi og að þeir miðli þekkingu og reynslu til hvors annars.

HRM hefur á að skipa góðum þjálfurum sem hafa fyllilega staðið undir væntingum okkar.

Auður Þórhallsdóttir, fræðslustjóri Samskipa

Í kjölfar samruna lögreglustjóraembættanna á höfuðborgarsvæðinu síðasta vetur var ákveðið að halda starfsdag með öllum stjórnendum embættisins í vor.

Til að brjóta upp daginn, þjappa liðsheildinni saman og vekja upp umræðu um ýmsa stjórnunarlega þætti fengum við til liðs við okkur þær Arneyju og Sigríði Þrúði hjá HRM með hópeflið “Heitan klukkutíma”. Stjórnendur með kröftugum og mark­vissum hætti virkjaðir til að hugsa um mikilvægi samstarfs, yfirfærslu þekkingar, markmiðssetningu, skipulags og markvissra vinnubragða svo dæmi séu tekin.

Hópeflið braut mjög vel upp hjá okkur daginn og þjappaði liðsheildinni vel saman. Það vakti okkur öll jafnframt til umhugsunar um ýmsa þætti sem lúta að því hvort samstarf eða samkeppni skili meiri árangri og hvernig megi miðla og yfirfæra þekkingu og auðlindir innan deilda og sviða, sem og á milli þeirra. Við höfum síðan í okkar daglegu stjórnunarstörfum notað markvisst, og stundum líka óbeint, ýmsa umræðufleti sem komu upp á yfirborðið í hita og þunga leiksins. Síðast en ekki síst, þá var hópeflið skemmtilegt og árangursríkt. Heitur klukkutími skilaði okkur sterkri liðsheild og nýrri sýn á lausn daglegra viðfangsefna.

Sigríður Hrefna Jónsdóttir, starfsmannastjóri lögreglunnar á höfuðborgarsvæðinu

Fyrirtæki sækja vaxtarkraft sinn í auknum mæli í mannauð og þekkingarauð. Rétt menntað og þjálfað starfsfólk tryggir helst arðbæran rekstur. Iðnaðurinn vill ráða fleira betur menntað fólk. Iðnskólafélagið og Samtök iðnaðarins réðu HRM til að kanna viðhorf ungs fólks til iðn- og starfsnáms. Framlag HRM einkenndist af faglegri yfirsýn og skilaði mikilvægum upplýsingum sem reynast notadrjúgar við mótun áætlunar um kynningu á iðn- og starfsnámi. HRM hefur að mínu mati sannað hæfni til að vinna verkefni á þessu sviði; það býr yfir sérstakri reynslu, þekkingu og innsæi.